රාජ්‍ය ණය - ජපානය සහ ග්‍රීසිය අතර ඇති වෙනස
හර්ෂ ගුණසේන
ඇමෙරිකා එක්සත් ජනපදය සහ චීනය හැරුණු කොට ලොව බලවත්ම ආර්ථිකය
ජපානය යි. එමෙන්ම රාජ්‍ය ණය
දල දේශීය නිෂ්පාදිතයේ ප්‍රතිශතයක් ලෙස ගත හොත් ඉහළින්ම සිටින්නේ ජපානයයි. එම ප්‍රතිශතය
253% කි. දෙවනුව සිටින්නේ ග්‍රීසිය
යි. එරටට අදාල ප්‍රතිශතය 178% කි. ශ්‍රී ලංකාව 31 වන ස්ථානයේ සිටියි. අදාල ප්‍රතිශතය 77.6% කි. ජපානය ශ්‍රී ලංකාවටත් සංවර්ධන
ණය දෙන දියුණු රාජ්‍යයකි.
ග්‍රීසියද සංවර්ධනය වූ රටකි. එහි එක පුද්ගල අදායම (රටේ සමස්ත
නිෂ්පාදනය රටේ ජනගහනයෙන් බෙදු විට ලැබෙන අගය) වර්ෂ 2016 දී ඇමරිකන් ඩොලර් 17,890 කි. ශ්‍රී ලංකාවේ
අදාල අගය ඩොලර් 3,835 වන අතර ජපානයේ එය
ඩොලර් 38,972 කි. ග්‍රීසිය ජාත්‍යන්තර මුල්‍ය
අරමුදලෙන් ලබාගත් ණය ගෙවීමට නොහැකිවූ ප්‍රථම සංවර්ධිත රාජ්‍යයයි. මෙම ණය
තත්ත්වයෙන් ගොඩ ඒම සඳහා ග්‍රීසියට ජාත්‍යන්තර මුල්‍ය අරමුදල මතු නොව යුරෝපා
සංගමයත් ආධාර කළේය. ග්‍රීසිය යුරෝපා සංගමයේ සාමාජික රටකි.
ග්‍රීසියේ රාජ්‍ය ණය ද අයවැය හිඟයද පහත දැක්වේ. එක්තරා අවස්ථාවක
ග්‍රීසියේ අයවැය හිඟය ද දේ නි යේ ප්‍රතිශතයක් වශයෙන් 15% සීමාවටද ආසන්න වේ. මෑත කාලයේදී විවිධ බලපෑම් මධ්‍යයේ අයවැය හිඟය
අඩු කර ගැනීමට ග්‍රීසියේ පිස්කල් ප්‍රතිපත්තිය
සමත් වී ඇත. ග්‍රීසියේ අයවැය හිඟයද රාජ්‍ය ණය ද වැඩිවන අතර එරට වෙළෙඳ ශේෂයද හිඟයක්
පෙන්නුම් කරයි. අයවැය හිඟය යනු රාජ්‍යයේ අදායම සහ වියදම අතර පරතරයයි. වෙළෙඳ හිඟය
යනු ජාතික ගිණුම් වල එනම් රටේ ගිණුම් වල අපනයන හරහා රටට ලැබෙන අදායම සහ අපනයන
වෙනුවෙන් පිටරටට ගෙවන වියදම අතර පරතරයයි. අයවැය හිඟය රාජ්‍ය ගිණුම් වල හිඟයක් වන
අතර වෙළෙඳ හිඟය ජාතික ගිණුම් වල හිඟයකි. ග්‍රීසියේ වෙළෙඳ හිඟයද පහත දැක්වේ. එනම්
ග්‍රීසිය යනු රජය විසින් අදායමට වඩා වියදම් කරණ එම නිසාම එම හිඟය පියවීම සඳහා
විශාල වශයෙන් ණය ගැනීමට සිදුවන එමෙන්ම රටේ අපනයන අදායමට වඩා ආනයන වියදම වැඩි රාජ්‍යයකි.
මෙම තත්ත්වය අනුක්‍රමයෙන් වෙනස් වී යයි. මෑත කාලයේදී එරට අයවැය හිඟය අඩුවූ අතර වෙළෙඳ ශේෂ හිඟයද අඩුවී ඇත. රාජ්‍ය ණය යම්
ස්ථාවර තත්ත්වයකට පැමිණ ඇත.
රාජ්‍ය ණය- ග්‍රීසිය ද දේ නි යේ ප්‍රතිශතයක් වශයෙන්
ජපානයේද රාජ්‍ය ණය, අයවැය හිඟය සහ වෙළෙඳ ශේෂය පහත දක්වා ඇත. ග්‍රීසිය සහ ජපානය අතර වෙනස නම් වසර
කිහිපයක් හැරුණු විට දීර්ඝ කාලීනව වෙළෙඳ ශේෂයේ අතිරික්තයක් ජපානය විසින් පෙන්නුම්
කර තිබීමයි. වෙළෙඳ ශේෂයේ අතිරික්තයට අමතරව වෙළෙඳ ශේෂයද ඇතුළත් වන විදේශ යන් ගෙන්
ලැබෙන ප්‍රේෂණ, පොලි අදායම්, ආයෝජන ආදායම් වැනි සියළුම ලැබීම් ඇතුළු ගෙවුම් ශේෂයේද
අතිරික්තයක් පෙන්නුම් කරයි. ජපන් රාජ්‍ය ණය වලින් වැඩි ප්‍රමාණයක් දේශීය ණය වේ.
ජපානයේ පොලි අනුපාතය ඉතා අඩු අගයක් ගනී. පිටරටින් ලැබෙන මුදල් පාවිච්චි කර ජපන් ව්‍යාපාරිකයෝ
රාජ්‍ය බැඳුම් කර වල ආයෝජනය කරති. එබැවින් ජපානයේ තත්ත්වය ග්‍රීසියේ මෙන් නරක
තත්ත්වයක් නොවේ. මෙහි ප්‍රධාන වෙනස වන්නේ ජපානයේ ඇති වෙළෙඳ ශේෂයේ සහ ගෙවුම් ශේෂයේ
අතිරික්තයයි.
රාජ්‍ය ණය- ජපානය ද දේ
නි යේ ප්‍රතිශතයක් වශයෙන්
අයවැය හිඟය ජපානය - ද දේ නි යේ ප්‍රතිශතයක්
වශයෙන් 
වෙළෙඳ ශේෂය ජපානය - ද දේ නි යේ ප්‍රතිශතයක්
වශයෙන්
ශ්‍රී ලංකාව මේ අතර ස්ථානගත වන්නේ
කෙසේද? පසුගිය ලිපි වල සාකච්ඡා කළ පරිදි ශ්‍රී ලංකාවේ
අයවැය හිඟයක් ද වෙළෙඳ ශේෂයේ හිඟයක්ද රාජ්‍ය ණය වල වර්ධනයක්ද තිබේ. අයවැය හිඟය සහ
වෙළෙඳ ශේෂයට අදාල ප්‍රස්ථාර මිට ඉහත ලිපි වල දක්වා ඇත. ශ්‍රී ලංකාවේ රාජ්‍ය ණය
පිලිබඳ ප්‍රස්ථාරය පහත දක්වා ඇත. මේ අනුව
ශ්‍රී ලංකාව ලං වන්නේ ජපානයට නොව ග්‍රීසිය ටයි. ග්‍රීසිය ගමන් කළ මාවතේ අපි ගමන්
කරමින් සිටිමු. අප අනතුරට පත්වුවහොත් බේරාගැනීමට- ඇපදීමට- සිටින්නේ ජාත්‍යන්තර
මුල්‍ය අරමුදල පමණි. ග්‍රීසියට තිබූ යුරෝපා සංගමය වැනි සංවිධානයක් අපට නොමැත. පසුගිය
කාලයේ චීනයෙන් අප විසින් ලබාගත් ණය ගෙවීමට අපහසු තත්ත්වයක් ඇතිවන විට හම්බන්තොට
වරායේ අයිතිය දීර්ඝ කාලීන බද්දකට චීනයට පැවරීමට අපට සිදුවිය. රටක් වශයෙන් අපට
සිටින මිතුරන් සීමිතය. එනමුත් රටේ පාලකයන්ට විවිධ රටවල බොහෝ මිතුරෝ සිටිති.
දැඩි ණය බරින් මිදීමට කළයුත්තේ රටේ
නිෂ්පාදනය හෙවත් දළ දේශීය නිෂ්පාදිතය වැඩි කිරීමයි.එවිට ණය ගෙවීමට ඇති හැකියාව
වැඩිවේ. දළ දේශීය නිශ්පාදිතය වැඩි කළ හැකි ක්‍රම බොහෝ තිබේ. අපනයන නිෂ්පාදන සහ
සේවා වැඩිකිරීම හරහා දළ දේශීය නිශ්පාදිතය වැඩි කර ගත හොත් වෙළෙඳ ශේෂයේ දැනට ඇති
හිඟය ටද එය පිලියමක් වනු ඇත. ඒ අනුව දැනට ග්‍රීසිය ගමන් කළ මාර්ගයේ යන අප ජපානය
පැත්තට යොමු වනු ඇත.
පහත දැක්වෙන ප්‍රස්ථාරයේ 2016 වර්ෂය සඳහා ශ්‍රී ලංකාව ජපානය සහ ග්‍රීසිය එම රටවල ණය ප්‍රමාණය සහ
වෙළෙඳ ශේෂ හිඟය යන කරණා දෙක මත ස්ථානගත කර ඇත. ඕනෑම රටකට වඩාත් සුදුසු වන්නේ මෙම
ප්‍රස්ථාරයේ පහල දකුණු දෙසට ස්ථානගත වීමයි. එනම් ණය ද වෙළෙඳ හිඟය
ද අඩු තත්ත්වයයි. මෙය පරිපුර්ණ තත්ත්වයකි. අඩුම වශයෙන් මෙම තත්ත්වයෙන් ප්‍රතිවිරුද්ධ අතට
ගමන් නොකළ යුතුය.ශ්‍රී ලංකාව දැන් කළ යුත්තේ ප්‍රස්ථාරයේ දකුණු දෙසට ගමන් කිරීමයි.
මුලාශ්‍ර : https://www.theglobaleconomy.com/
රාජ්‍ය ණය -ශ්‍රී ලංකාව
ජපානය, ග්‍රීසිය සහ ශ්‍රී ලංකාව - වෙළඳ ශේෂය X අක්ෂයේද රාජ්‍ය ණය Y
අක්ෂයේද දක්වා ඇත.
No comments:
Post a Comment